dangsa

Basa Betawi

Orang dangsa di ruma bola

  Setilah gacoan — Oktober 2025

dang‧sa /daŋsa/

• [daŋˈsa]
• [daŋˈsɛ] [danˈsɛ] (Kota)
• Pengujungan: -a

Laèn ragem

• dangsè • dansè (Kota)
• dansa (jarang)

Asal muasal

Pinjeman deri basa Portugis punya setilah dança.

Kata peada

1. ibingan, wabilkusus nyang Kulonan punya cara

   pantaran: ibing, igel, tandak, jogèt, belènggo, gèngsot

   • 1963, 7 Januari, Si Miun, "Lenggang Djakarté: Twist-Tjokek", Bintang Timur, h. 3:

     — Ini kan dangsa baru, Mat.
     — Ah, gue ngga tahan. Laginje gue kaga bisa gojang2in kibul berbareng gojangin badan.

     [— Ini kan dangsa baru, Mat.
     — Ah, guè ngga tahan. Laginyè, guè kaga bisa goyang-goyangin kibul bebareng goyangin badan.]

2. (jembaran ma'na) hajatan nyang ada ibing-ibingannya
   • 2006 [1963], Firman Muntaco, "Cherry Pink", Gambang Jakarte, Dèpok: Masup Jakarta, h. 230:

     Yem, yu entar malem kite ikut dangsa-twist di rumenye si Ati. Pan die jarig!

     [Yem, yu, entar malem, kitè ikut dangsa twist di rumènyè si Ati. Pan, diè jarig!]

Kata kereja

1. ngibing, wabilkusus di hajatan

   pantaran: ngibing, ngigel, nandak, jogèt

   • 1969, Suhaeri Mufti, dinyanyiin ama Lilis Suryani, "Keanehan Djaman", Sabeni Djago Tanah Abang, Jakarta: Diastar, puteran B4:

     Adu dandan, dansè gogo bugi / Dari soré, malem, sampè’ pagi

   • 1972, Rachman A., dinyanyiin ama Ida Royani, "Hostess", Tukang Tuak, Jakarta: Indah, puteran B5:

     Adè musik, noh, kentrang-kentrang-kentring / Nyang dangsè, idih, ampè’ temiring-miring

Catetan pemakéan

Ni setilah punya kata kereja entu sebunyi ama kata peadanya sonder paké tetèmpèlan lagi, béda ama laèn kata kereja sepantaran bakal ma'na "ngibing" nyang kudu ditèmpèlin depanan tenger pihak lakonan N-.

Tarjiman

ibingan Kulonan

• Basa Indonésia: dansa
• Basa Inggris: dance, ball
• Basa Spanyol: baile, danza

hajatan ibingan

• Basa Inggris: dance
• Basa Sepèranto: balo

ngibing

• Basa Indonésia: berdansa
• Basa Inggris: dance
• Basa Spanyol: bailar, danzar

Bacaan terusan

• Chaer, A. (2009) [1976], "dangsè", Kamus dialek Jakarta [Kamus logat Jakarta], jebrolan perbaèkan, Dèpok: Masup Jakarta, →ISBN, h. 96.
• Kähler, H. (1966), "dangse", Wörterverzeichnis des Omong Djakarta [Daptar setilah omong Jakarta], Berlèn: Verlag von Dietrich Reimer, h. 42.

Basa Ambon

Kata peada

1. [[dangsa}} {{gloss|ibingan]]